பாராட்டு சான்றிதழ் விவகாரம்; உயர் அதிகாரிகள் அரசியல்

காஞ்சிபுரம் : காஞ்சிபுரம் கலெக்டர் வளாக மைதானத்தில், சுதந்திர தின விழா நேற்று முன்தினம் நடந்தது. இதில், கலெக்டர் கலைச்செல்வி, தேசிய கொடியை ஏற்றி வைத்து மரியாதை செலுத்தினார்.இந்நிகழ்வில், அரசின் பல்வேறு துறைகளில் சிறப்பாக பணியாற்றிய அரசு ஊழியர்கள், தன்னார்வ தொண்டு அமைப்புகளைச்சேர்ந்தோர் என, 520 பேருக்கு, கலெக்டர் கலைச்செல்வி பாராட்டு சான்றிதழ்வழங்கினார். அரசு ஊழியர்களுக்கு, இந்த பாராட்டுசான்றிதழ், அந்தந்த உயரதிகாரிகளால் பரிந்துரை செய்யப்படுகிறது. அவ்வாறு பரிந்துரை செய்யப்படுவதில், பாரபட்சம் காட்டுவதாக அரசு ஊழியர்கள் மத்தியில் புகார்எழுந்துள்ளது.சிறப்பாக பணியாற்றினாலும், அதிகாரிகள் ஆதரவு இல்லாததால், பாராட்டு சான்றிதழ் மறுக்கப்படுவதாக தெரிவிக்கின்றனர்.கலெக்டரின் பாராட்டு சான்றிதழ் தங்களுக்கு ஊக்கமளிக்கும் எனவும், அதிகாரிகள்அரசியல் செய்வதால், ஊழியர்கள் பலருக்கும் வருத்தம் ஏற்படுவதாக தெரிவிக்கின்றனர்.ஒவ்வொரு குடியரசு தின விழாவிலும்,சுதந்திர தின விழாவிலும் வழங்கப்படும்சான்றிதழை பலரும் இரண்டு, மூன்று முறைக்கு மேல் பெற்றுள்ளனர் என்பதுகுறிப்பிடத்தக்கது.