சிவனடியார் திருக்கூட்டம் 54வது ஆண்டு நிறைவு விழா

காஞ்சிபுரம்: காஞ்சி சிவனடியார் திருக்கூட்டத்தின் 54வது ஆண்டு நிறைவு விழா காஞ்சிபுரத்தில் நடந்தது. காஞ்சிபுரத்தில், 1971ம் ஆண்டு துவக்கப்பட்ட காஞ்சி சிவனடியார் திருக்கூட்டத்தின் 54வது ஆண்டு விழா நேற்று நடந்தது. விழாவையொட்டி நேற்று, காலை 6:00 மணிக்கு சிவபூஜையும், தொடர்ந்து இடப கொடி ஏற்றப்பட்டது. காலை 9:45 மணிக்கு, காஞ்சிபுரம் தொண்டை மண்டல ஆதீனம் 234வது பட்டம் குரு மகா சந்நிதானம் சீலத்திரு சிதம்பரநாத ஞானபிரகாச தேசிக பரமாசாரிய சுவாமிகள், ஓதுவா மூர்த்திகளுக்கு பொழ்கிழி வழங்கினார். மேலும், தமிழறிஞர்களுக்கு விருதும், பொற்கிழியும் வழங்கி 54வது ஆண்டு விழா மலரரை வெளியிட்டு ஆசியுரை வழங்கினார். மதியம், 1:00 மணிக்கு மாகேஸ்வர பூஜை நடந்தது. தொடர்ந்து நீதிநுால் மற்றும் தேவார போட்டிகளில் வெற்றி பெற்ற மாணவ - மாணவியருக்கு பரிசுகள் வழங்கப்பட்டன.