கி.கிரியில் மொழிப்போர் தியாகிகள் வீரவணக்க நாள் பொதுக்கூட்டம்

கிருஷ்ணகிரி: கிருஷ்ணகிரி, பர்கூர், ஊத்தங்கரையில் நாளை, தி.மு.க., சார்பில் மொழிப்போர் தியாகிகள் வீர வணக்க நாள் பொதுக்கூட்டம் நடக்கிறது.இது குறித்து கிருஷ்ணகிரி, தி.மு.க. கிழக்கு மாவட்ட செயலாளர் மதியழகன் எம்.எல்.ஏ., வெளியிட்டுள்ள அறிக்கை: தி.மு.க., தலைவரும், தமிழக முதல்வருமான ஸ்டாலின் உத்தரவுப்படி, மொழிப்போர் தியாகிகள் வீரவணக்க நாள் பொதுக்கூட்டம் நாளை (வியாழக்கிழமை) மாலை, 6:00 மணிக்கு கிருஷ்ணகிரி, பர்கூர், ஊத்தங்கரையில் நடக்கிறது. கிருஷ்ணகிரி, ஐந்து ரோடு ரவுண்டானா அருகில் நடக்கும் பொதுக்கூட்டத்தில் தலைமை கழக பேச்சாளர்கள், பொன்னேரி சிவா, விஷார் தமிழரசன் பேசுகின்றனர். பர்கூர் பஸ் ஸ்டாண்ட் அருகில் நடக்கும் பொதுக்கூட்டத்தில், தலைமை கழக பேச்சாளர்கள் போடி காமராஜ், அன்புவாணன் பேசுகின்றனர். ஊத்தங்கரை, நான்கு ரோடு ரவுண்டானா அருகில் நடக்கும் பொதுக்கூட்டத்தில், தலைமை கழக பேச்சாளர்கள் சேலம் கோவிந்தன், சைதை பாஸ்கர் ஆகியோர் பேசுகின்றனர். இக்கூட்டங்களில் கட்சியின் அனைத்து நிர்வாகிகள், பொதுமக்கள் திரளாக கலந்து கொள்ள வேண்டும்.இவ்வாறு, அவர் தெரிவித்துள்ளார்.