உங்களுடன் ஸ்டாலின் சிறப்பு முகாம்கள்

மதுரை : மதுரை மாநகராட்சியில் மண்டலம் 1ல் வார்டு 16, மண்டலம் 2ல் வார்டு 23, 24, 25, மண்டலம் 5ல் வார்டு 100 என 5 வார்டுகளில் நேற்று 'உங்களுடன் ஸ்டாலின்' சிறப்பு முகாம் நடந்தது. மண்டலம் 1ல் உழவர்சந்தை அருகே உள்ள ரோட்டரி லெஹரி பள்ளியில் நடந்த முகாமை மேயர் இந்திராணி துவக்கி வைத்து பார்வையிட்டார். புதிய ஆதாருக்கான ஆன்லைன் பதிவேற்றம் செய்தல், திருத்தம் உள்ளிட்ட மனுதாரர்களுக்கு உடன் நடவடிக்கை எடுக்கப்பட்டது. 100க்கும் மேற்பட்ட மனுக்கள் அளிக்கப்பட்டன. துணை கமிஷனர் ஜெய்னுலாபுதீன், உதவி கமிஷனர் ரவிக்குமார், உதவி செயற்பொறியாளர் காமராஜ், பி.ஆர்.ஓ., மகேஸ்வரன், உதவி பொறியாளர்கள் மணியன், செல்வவிநாயகம், உதவி வருவாய் அலுவலர் பாரூக், கவுன்சிலர்கள் பங்கேற்றனர்.