காவிரி குழாய் உடைந்து குடிநீர் வீணாகியது

கமுதி : -கமுதி--முதுகுளத்துார் ரோடு சித்திரங்குடி அருகே ரோட்டோரத்தில் காவிரி குழாயில் உடைப்பு ஏற்பட்டு குடிநீர் வீணாகிறது.கமுதி--முதுகுளத்துார் ரோட்டோரங்களில் ராட்சத குழாய் பதிக்கப்பட்டு கீழக்காஞ்சிரங்குளம் நீரேற்று நிலையத்தில் இருந்து கமுதி அதனை சுற்றியுள்ள பல்வேறு கிராமங்களுக்கு காவிரி குடிநீர் சப்ளை செய்யப்படுகிறது. இந்நிலையில் பாக்குவெட்டி, சித்திரங்குடி, கீழக்காஞ்சிரங்குளம் உட்பட பல இடங்களில் ரோட்டோரத்தில் உள்ள காவிரி மெயின் குழாயில் உடைப்பு ஏற்பட்டு குடிநீர் வீணாகிறது.குடிநீர் விவசாய நிலங்களில் தேங்கி வீணாகிறது. இதனால் பல கிராமங்களுக்கு குடிநீர் தட்டுப்பாடு ஏற்படும் அபாயம் உள்ளது. இப்பகுதியில் அடிக்கடி ஏற்படும் குழாய் உடைப்பை சரிசெய்ய நடவடிக்கை எடுக்க வேண்டும் என்று மக்கள் கோரிக்கை விடுத்தனர்.