திருவாடானை: 13 பள்ளிகளில் மேலாண்மை குழு கூட்டம்

திருவாடானை: திருவாடானை தாலுகாவில் 6 உயர்நிலை, 7 மேல்நிலைப்பள்ளிகளில் மேலாண்மை குழு கூட்டம் நடந்தது.தமிழகத்தில் பத்தாம் வகுப்பு, பிளஸ் 1, பிளஸ் 2 படித்து பொதுத்தேர்வு எழுதாமல் விடுபட்டவர்களை கண்டறியவும், அவர்களுக்கு விழிப்புணர்வை ஏற்படுத்தும் பணியை துவக்கவும் கல்வித்துறைக்கு அரசு உத்தரவிட்டுள்ளது.அதன் ஒரு பகுதியாக நேற்று உயர்நிலை, மேல்நிலைப்பள்ளிகளில் மேலாண்மை சிறப்பு குழு கூட்டம் நடத்தப்பட்டது. திருவாடானை தாலுகாவில் 6 உயர்நிலை, 7 மேல்நிலைப் பள்ளிகளில் கூட்டம் நடந்தது. கூட்டத்தில் பத்தாம் வகுப்பு, பிளஸ் 1, பிளஸ் 2 ஒவ்வொரு பிரிவிலும் தேர்வுக்கு வராத மாணவர்கள் குறித்து விவாதிக்கப்பட்டது.மேலும் அவர்களின் தற்போதைய நிலை, அவர்களுக்கு மீண்டும் வகுப்பு நடத்தி, பயிற்சி அளித்து துணைத் தேர்வு எழுத தயார்படுத்துவது குறித்து விவாதிக்கப்பட்டது. ஒவ்வொரு பள்ளியிலும் 20 மேலாண்மைக் குழு உறுப்பினர்கள் கலந்து கொண்டனர்.