உப்பூர் விநாயகர் கோயிலில் 108 சங்காபிஷேக விழா

ஆர்.எஸ்.மங்கலம்: ஆர்.எஸ்.மங்கலம் அருகே உப்பூர் வெயிலுகந்த விநாயகர் கோயிலில் கார்த்திகை மாத சோமவாரத்தை முன்னிட்டு 108 சங்காபிஷேக விழா நடைபெற்றது. முன்னதாக அபிஷேகம் செய்யப்பட்ட 108 சங்குகளை பக்தர்கள் ஊர்வலமாக எடுத்துச் சென்று மூலவருக்கு அபிஷேகம் செய்தனர். மூலவருக்கு அலங்காரம் செய்யப்பட்டு நடைபெற்ற சிறப்பு தீபாராதனையில் ஏராளமான பக்தர்கள் கலந்து கொண்டு தரிசனம் செய்தனர். * திருவாடானை ஆதிரெத்தினேஸ்வரர் கோயிலில் கார்த்திகை இரண்டாவது சோமவாரத்தை முன்னிட்டு 108 சங்காபி ேஷகம் நடந்தது. முன்னதாக 108 சங்குகளில் நீர் நிரப்பி யாகசாலையில் வைத்து வேள்வி செய்யப்பட்டது. அதனை தொடர்ந்து சிவாச்சாரியார்கள் வேதமந்திரங்கள் முழங்க அபிேஷகம் நடந்தது. ஏராளமான பக்தர்கள் கலந்து கொண்டனர். அனைவருக்கும் பிரசாதம் வழங்கப்பட்டது.