பள்ளியில் பயன்பாடு இல்லாத குடிநீர் சுத்திகரிப்பு இயந்திரம் அரசு நிதி வீணடிப்பு

முதுகுளத்துார், : முதுகுளத்துார் அருகே வளநாடு அரசு உயர் நிலைப்பள்ளியில்​குடிநீர் சுத்திகரிப்பு இயந்திரங்கள் காட்சி பொருளாக உள்ளது. அவற்றை பயன்பாட்டிற்கு கொண்டுவர வேண்டும்.வளநாடு அரசு உயர்நிலைப்பள்ளியில் வளநாடு, செங்கப்படை, தெய்வதானம், இந்திரா நகர், சேமனுார்,செபஸ்தியர்புரம் ஆகிய கிராமங்களில் இருக்கும் 100க்கும் மேற்பட்ட மாணவர்கள் படிக்கின்றனர். பள்ளி வளாகத்தில் கடந்த 2018--19ம் நிதி ஆண்டில் குடிநீர் சுத்திகரிப்பு இயந்திரம் அமைக்கப்பட்டது.அப்போது முதல் பயன்பாடின்றி கிடக்கிறது. இந்நிலையில் கடந்த 2022--23ம் ஆண்டில் ரூ.3.5 லட்சம் செலவில் மேலும் குடிநீர் குழாய் அமைக்கப்பட்டது. தற்போது வரை இரண்டும் பயன்பாடின்றி உள்ளன. இதனால் அரசின் நிதி வீணடிக்கப்படுகிறது. எனவே மீண்டும் சுத்திகரிப்பு இயந்திரங்களை பயன்பாட்டிற்காக கொண்டுவர வேண்டும் என பெற்றோர்கள் வலியுறுத்தினர்.