தேசிய வாக்காளர் தின வினாடி வினா

ராமநாதபுரம்: நாட்டின் 14வது தேசிய வாக்காளர் தினத்தை முன்னிட்டு பொதுமக்கள் பங்கேற்கும் மாநில அளவிலான வினாடி வினா போட்டி ஜன.21ல் நடக்கிறது. தமிழகத்தில் வாக்காளர்கள் தேர்தல் நடைமுறையில் பங்கேற்பதை அதிகரிக்கும் நோக்கத்தில் 14வது தேசிய வாக்காளர் தினத்தை முன்னிட்டு மாநில அளவிலான வினாடி வினா போட்டி ஜன.21 ல் காலை 11:00 முதல் 11:15 மணி வரை நடைபெற உள்ளது.பங்கேற்க விருப்பமுள்ளவர்கள் https//www.erolls.tn.gov.in/Quiz2024 என்ற இணையதள முகவரில் பெயர், முகவரி விபரங்களை (ஜன.19) நாளைக்குள் பதிவு செய்ய வேண்டும். அலைபேசி எண் மற்றும் மின்னஞ்சல் முகவரியை கட்டாயம் உள்ளீடு செய்ய வேண்டும்.இந்தியாவில் தேர்தல்கள் என்ற தலைப்பின் அடிப்படையில் போட்டி நடக்கிறது. மேலும் விபரங்களுக்கு மாநில உதவி மைய எண்: 1800 - 4252 - 1950, மாவட்ட மைய உதவி எண்: 1950ல் தொடர்பு கொள்ளலாம் என கலெக்டர் விஷ்ணுசந்திரன் தெரிவித்துள்ளார்.