2 டன் ரேஷன் அரிசி கடத்திய 2 பேர் கைது

சேலம்: சேலம் உணவு கடத்தல் தடுப்பு பிரிவு போலீசார், சிவதாபுரம் மாரியம்மன் கோவில் அரு‍கே நேற்று வாகன சோதனையில் ஈடுபட்டனர். அப்போது வந்த சரக்கு வாகனத்தை நிறுத்தி சோதனை செய்ததில், 2 டன் ரேஷன் அரிசி கடத்தி கொண்டு வரப்பட்டது தெரிந்தது. விசாரணைக்கு பின், சரக்கு வாகன டிரைவரான, நெத்திமேட்டை சேர்ந்த ராஜா, 28, கிச்சிப்பாளையம் வெங்கடேஷ், 38, ஆகியோரை போலீசார் கைது செய்தனர். அவர்களிடம் சரக்கு வாகனம், ஸ்விப்ட் டிசையர் கார், 2 டன் ரேஷன் அரிசியை பறிமுதல் செய்தனர். வெங்கடேஷ், நாமக்கல், புதன்சந்தை பகுதியில் கால்நடை தீவன தானிய ஆலை நடத்துவதும், அங்கு ரேஷன் அரிசி கடத்துவதும் தெரிந்தது. இவர்களை தவிர கடத்தலில் தொடர்புடைய, மேலும் இருவரை, போலீசார் தேடுகின்றனர்.