சேலம் -- சென்னை இடையே மாலையிலும் விமான சேவை

ஓமலுார்: சேலம் விமான நிலையத்தில், 'இண்டிகோ' நிறுவனம் சார்பில் செவ்வாய், வியாழன், சனி ஆகிய நாட்களில், சென்னையில் இருந்து புறப்படும் விமானம் காலை, 11:40க்கு சேலம் வந்து பின் சென்னைக்கு, 12:00க்கு புறப்படுகிறது. மற்ற விமானங்கள், பெங்-களூரு, ஹைதராபாத் ஆகிய பகுதிகளுக்கு சென்றுவிட்டு பிறகு சென்னை செல்கிறது.இந்நிலையில் ஆக., 17 முதல், செவ்வாய், வியாழன், சனி ஆகிய நாட்களில், ஹைதராபாத்தில் இருந்து புறப்படும் விமானம், மாலை, 4:40க்கு சேலம் வந்து, 5:00 மணிக்கு சென்னை புறப்பட உள்ளது. இதன்மூலம் அந்த 3 நாட்களில், காலை, மாலை என இருமுறையும், சேலத்தில் இருந்து சென்னைக்கு விமான சேவை தொடங்க உள்ளது. இதற்கு டிக்கெட் முன்பதிவு தொடங்கப்பட்-டுள்ளதாக, 'இண்டிகோ' நிறுவன அதிகாரிகள் தெரிவித்தனர்.