பஞ்சு பொம்மை தயாரித்தல் பயிற்சிக்கு அழைப்பு

தேனி: தேனி கனரா வங்கி ஊரக சுயவேலை வாய்ப்பு பயிற்சி நிலையத்தில் மென் பஞ்சு பொம்மை தயாரித்தல் பயிற்சி மே 8 முதல் மே 22 வரை நடக்க உள்ளது.பயிற்சியில் 18 வயதிற்கு மேற்பட்ட 45 வயதிற்குட்பட்ட வேலையில்லா கிராமத்தினர் விண்ணப்பிக்கலாம்.பயிற்சி காலை 9:30 மணி முதல் மாலை 5:30 மணி வரை நடக்கும். மதிய உணவு இலவசமாக வழங்கப்படும். பயிற்சியில் தேர்ச்சி பெறுவோருக்கு தொழில் துவங்க வங்கி கடன் ஆலோசனை வழங்கப்படும். பயிற்சியில் சேர விருப்பமுள்ளவர்கள் ஆதார் நகல், புகைப்படம் ஆகியவற்றுடன் தேனி தாலுகா அலுவலகம் எதிரே செயல்படும் கனரா வங்கி ஊரக சுயவேலை வாய்ப்பு பயிற்சி நிலையத்தை நேரில் அணுகலாம். மேலும் விபரங்களுக்கு 95003 14193 என்ற் எண்ணில் தொடர்பு கொள்ளலாம். என பயிற்சி நிலைய இயக்குனர் ரவிக்குமார் தெரிவித்துள்ளார்.