தேனீ வளர்ப்பு, தேன் உற்பத்தி இலவச பயிற்சி

தேனி: தேனி கனரா வங்கி சுய தொழில் வேலைவாய்ப்பு பயிற்சி மையத்தில் தேனீ வளர்ப்பு, தேன் உற்பத்தி இலவச பயிற்சி செப்., 10 முதல் 29 வரை நடக்கிறது. பயிற்சி வகுப்பின் போது உணவு, தங்குமிடம் இலவசமாக வழங்கப்படும். கிராம பகுதியை சேர்ந்த 18 வயது நிரம்பியவர்கள் விண்ணப்பிக்கலாம். பயிற்சியில் தேர்ச்சி பெறுவோருக்கு வங்கி கடன் ஆலோசனை வழங்கப்படும். பயிற்சியில் சேர விரும்புபவர்கள் செப்., 10க்கு முன் ஆதார் நகல், புகைப்படத்துடன் கருவேல்நாயக்கன்பட்டி தொழிலாளர் நல அலுவலகம் அருகே உள்ள கனரா வங்கி சுயவேலைவாய்ப்பு பயிற்சி மையத்தில் விண்ணப்பிக்கலாம். மேலும் விபரங்களுக்கு 95003 14193 என்ற அலைபேசியில் தொடர்பு கொள்ளலாம் என பயிற்சி மைய இயக்குநர் ரவிக்குமார் தெரிவித்துள்ளார்.