இலவச தையல் பயிற்சிக்கு பெண்கள் விண்ணப்பிக்கலாம்

தேனி : கனரா வங்கி ஊரக சுயவேலை வாய்ப்பு பயிற்சி நிலையத்தில் ஜன.,29 முதல் பெண்களுக்கான தையல் பயிற்சி துவங்குகிறது. இப்பயிற்சியில் 18 முதல் 45 வயதிற்கு உட்பட்ட பெண்கள் சேரலாம். பயிற்சி கட்டணம் இல்லை. பயிற்சி காலை 9:30 முதல் மாலை 5:30 மணி வரை நடத்தப்படும். மதிய உணவு இலவசமாக வழங்கப்படும். பயிற்சியில் தேர்ச்சி பெறுவோருக்கு வங்கி கடன் வசதியும் செய்து தரப்பட உள்ளது.விருப்பம் உள்ளவர்கள் ஆதார் நகல், புகைப்படம் ஆகியவற்றோடு ஜன.,29க்கு முன் தேனி தாலுகா அலுவலகம் எதிரே இயங்கி வரும் கனரா வங்கி ஊரக சுயவேலை வாய்ப்பு பயிற்சி நிலையத்தில் நேரடியாக விண்ணப்பிக்கலாம். மேலும் விவரங்களுக்கு 95003 14193 என்ற அலைபேசி எண்ணில் தொடர்பு கொள்ளலாம். என, பயிற்சி மைய இயக்குனர் ரவிக்குமார் தெரிவித்துள்ளார்.