ஸ்ரீ கோட்டை முனியப்பன் பொங்கல் விழா

திருப்பூர் : திருப்பூர், ஸ்ரீகோட்டை முனியப்பன் கோவில் பொங்கல் விழா கோலா கலமாக நடந்தது.திருப்பூர், பிச்சம்பாளையம்புதுார், திருநல்லாற்றில் ஸ்ரீ கோட்டை முனியப்பன், மாகாளியம்மன், மல்லியம்மன், மாயவர் வேட்டைக்காரசுவாமி, கருப்பராயன், கன்னிமார், தன்னாசியப்பன் ஆகிய கோவில்கள் உள்ளன.கோவில் 24ம் ஆண்டு பொங்கல் திருவிழா கடந்த 19ம் தேதி முதல் தொடங்கி, நடைபெற்று வருகிறது. நேற்று காலை கேத்தம்பாளையம் வெற்றி விநாயகர் கோவிலில் இருந்து, பக்தர்கள் மாவிளக்கு மற்றும் பொங்கல் பானை எடுத்து ஊர்வலமாக கோவிலுக்கு வந்தனர்.பொங்கலிட்டு சுவாமியை தரிசித்தனர். உச்சி கால பூஜையை தொடர்ந்து, பக்தர்களுக்கு அன்ன தானம் வழங்கப்பட்டது.மாலையில் பக்தர்கள் பூவோடு ஊர்வலமாக எடுத்து வந்தனர். இன்று மதியம் மஞ்சள் நீராட்டுடன் விழா நிறைவு பெறுகிறது.