அரசு பஸ் மோதி ஆட்டோ டிரைவர் பலி

திண்டிவனம்: திண்டிவனத்தில் அரசு பஸ் மோதியதில், ஆட்டோ டிரைவர் இறந்தார்.திருவக்கரை அடுத்த கொடூர் கிராமத்தைச் சேர்ந்தவர் ரகமதுல்லா, 45; ஆட்டோ டிரைவர். இவர், தன்னுடைய ஆட்டோவிற்கு எப்.சி., எடுப்பதற்காக திண்டிவனம் காவேரிப்பாக்கம் பகுதியில் சென்னை சாலையில் உள்ள ஒர்க்ஷாப்பில் ஆட்டோவை விட்டுள்ளார்.நேற்று இரவு 7:00 மணியளவில், ஆட்டோவை பார்ப்பதற்காக நடந்து சென்றவர் ஒர்க் ஷாப் எதிரே சாலையைக் கடக்க முயன்றார்.அப்போது சென்னையிலிருந்து சேலம் நோக்கிச் சென்ற அரசு பஸ், ரகமதுல்லா மீது மோதியது. இதில் அவர் சம்பவ இடத்திலேயே இறந்தார்.திண்டிவனம் டவுன் போலீசார் வழக்குப் பதிந்து விசாரித்து வருகின்றனர்.