அரசு மகளிர் மாதிரி பள்ளியில் தினமலர் - பட்டம் வினாடி வினா

விழுப்புரம்: 'தினமலர்- பட்டம்' இதழ், ஆச்சார்யா கல்விக்குழுமம் இணைந்து நடத்தும் பதில் சொல்; பரிசு வெல் வினாடி வினா போட்டி விழுப்புரம் அரசு மகளிர் மாதிரி மேல்நிலைப் பள்ளியில் நடந்தது. பள்ளியில் நடந்த போட்டியில் 100க்கும் மேற்பட்ட மாணவியர்கள் பங்கேற்றனர். அதில், 16 மாணவியர்கள் தேர்வு செய்து, 8 குழுக்களாக பிரிக்கப்பட்டு 2 சுற்றுகளாக போட்டி நடந்தது. பள்ளியின் பட்டதாரி உதவி தலைமை ஆசிரியை மலர்கொடி தலைமை தாங்கினார். முதுகலை ஆசிரியை மலர்விழி, இடைநிலை தலைமை ஆசிரியை கிறிஸ்டி ஜாய்ஸ் தங்கம், பட்டதாரி ஆசிரியை சத்தியா முன்னிலை வகித்தனர். இதில், ஒன்பதாம் வகுப்பு மாணவியர்கள் நிவேதா, பவரியா முதலிடமும், ஆறாம் வகுப்பு மாணவியர்கள் அனுஷியா, சுல்பியா சுல்தானா இரண்டாமிடமும் பிடித்தனர். வெற்றி பெற்ற மாணவியர்களுக்கு விழுப்புரம் சரஸ்வதி கல்விக்குழும தாளாளர் ராஜசேகரன், பொருளாளர் சிதம்பரநாதன், சி.பி.எஸ்.இ., பள்ளி தாளாளர் முத்துசரவணன் ஆகியோர் சான்றிதழ் மற்றும் கேடயங்களை வழங்கினர். போட்டியில் பங்கேற்ற அனைவருக்கும் சான்றிதழ் வழங்கப்பட்டது.