அரசு பள்ளியில் இலவச சைக்கிள் வழங்கும் விழா

செஞ்சி: செஞ்சி அடுத்த சத்தியமங்கலம் அரசு மேல்நிலைப் பள்ளியில் 11ம் வகுப்பு மாணவர்களுக்கு இலவச சைக்கிள் வழங்கும் விழா நடந்தது.ஒன்றிய கவுன்சிலர் ஆரோக்கியராஜ், ஊராட்சி தலைவர் அபர்ணா ரவிசங்கர் முன்னிலை வகித்தனர். தலைமை ஆசிரியர் ஜீவானந்தம் வரவேற்றார்.ஒன்றிய சேர்மன் விஜயகுமார், பேரூராட்சி தலைவர் மொக்தியார் ஆகியோர் 244 மாணவ, மாணவியருக்கு இலவச சைக்கிள் வழங்கி பேசினர்.ஒன்றிய துணைச் சேர்மன் ஜெயபாலன், செயலாளர் பச்சையப்பன், அவைத்தலைவர் வாசு, மாவட்ட பிரதிநிதி அய்யாதுரை, துணைத் தலைவர் சித்ரா, பள்ளி மேலாண்மைக் குழு தலைவர் ரேவதி மற்றும் ஆசிரியர்கள், மாணவ, மாணவியர்கள் பங்கேற்றனர். பட்டதாரி ஆசிரியர் திலீப் நிகழச்சியை தொகுத்து வழங்கினார். உதவி தலைமை ஆசிரியர் அருள்தாஸ் நன்றி கூறினார்.