ரூ.200 கோடியில் 2,500 டிரான்ஸ்பார்மர்கள் அமைச்சர் தங்கம் தென்னரசு அறிவிப்பு

சென்னை: ''தரமான மின் வினியோகத்திற்காக, 200 கோடி ரூபாய் மதிப்பீட்டில் 2,500 இடங்களில் புதிய டிரான்ஸ்பார்மர்கள் நிறுவப்படும்,'' என, அமைச்சர் தங்கம் தென்னரசு அறிவித்து உள்ளார்.சட்டசபையில் அவரது அறிவிப்புகள்:l தஞ்சாவூர் மற்றும் கும்பகோணத்தில், பல்வேறு ஊர்களில் தேரோடும் வீதிகளில் செல்லும் மேல்நிலை மின் கம்பிகள், பூமிக்கடியில் மாற்றி அமைக்கப்படும்l திருப்பூர் மாவட்டம் கொங்கல் நகர், திருச்சி தங்க நகர் ஆகிய இடங்களில், 211 கோடி ரூபாய் மதிப்பீட்டில் புதிய துணை மின் நிலையங்கள் அமைக்கப்படும்l சென்னை மற்றும் காஞ்சிபுரம் மண்டலங்களில் அதிகரித்து வரும் மின் தேவையை சமாளிப்பதற்காக, 19 பவர் டிடிரான்ஸ்பார்மர்கள், 217 கோடி ரூபாய் மதிப்பீட்டில் அமைக்கப்படும்l சூரியசக்தி, காற்றாலை உள்ளிட்ட பசுமை மின் ஆதாரங்களை கொண்டு தனியார் வாயிலாக, 2,000 மெகாவாட் பசுமை மின் உற்பத்தி நிலையங்கள் அமைக்கப்படும்l சென்னை மாநகராட்சி பகுதிகளில் உள்ள தனி வீடுகள் மற்றும் அடுக்குமாடி வீடுகளில் சூரியசக்தி மேற்கூரை நிறுவு திறனை கண்டறிய, 'சாப்ட்வேர்' உருவாக்கப்படும்l காற்றாலை மற்றும் சூரிய மின்சக்தியுடன் இணைந்த மின் உற்பத்தி நிலையங்களுக்கு, புதிய கொள்கை வகுக்கப்படும்l புதிய நீரேற்று மின் நிலைய திட்டங்களின் வளர்ச்சிக்கு வழிவகுக்கும் வகையில், புதிய கொள்கைகள் வகுக்கப்படும்l மின் வாரிய களப் பணியாளர்களின் பாதுகாப்பை உறுதி செய்வதற்காக, மின் கட்டமைப்புகளில் மின்சாரம் உள்ளதா என்பதை கண்டறியும் எச்சரிக்கை சாதனங்கள், 1 கோடி ரூபாய் மதிப்பீட்டில் வழங்கப்படும்l துாத்துக்குடி அனல் மின் நிலைய நான்காவது அலகில் உள்ள கொதிகலன்களில், எட்டு செறிவூட்டப்பட்ட நிலக்கரி எரிப்பான்கள் 65 லட்சம் ரூபாய் செலவில் பொருத்தப்படும். சுற்றுப்புற காற்று தர கண்காணிப்பு நிலையம், 60 லட்சம் ரூபாய் மதிப்பீட்டில் தரம் உயர்த்தப்படும்l தரமான மின் வினியோகத்திற்காக, 2,500 இடங்களில், 200 கோடி ரூபாய் மதிப்பீட்டில் புதிய டிரான்ஸ்பார்மர்கள் நிறுவப்படும்.இவ்வாறு அமைச்சர் அறிவித்தார்.