6 ரயில்கள் 4 நாட்கள் ரத்து தெற்கு ரயில்வே அறிவிப்பு

சென்னை:தெற்கு ரயில்வே வெளியிட்டுள்ள செய்திக்குறிப்பு: திருப்பதி - காட்பாடி, காலை 6:50 மணி, 10:35 மணி, காட்பாடி - திருப்பதி, மதியம் 2:50 மணி, இரவு 9:15 மணி ரயில்கள், வரும் 27ம் தேதி முதல் 30ம் தேதி வரை, ரத்து செய்யப்பட்டுள்ளன.காட்பாடி - ஜோலார்பேட்டை காலை 9:30 மணி, ஜோலார்பேட்டை - காட்பாடி, பகல் 12:45 மணி ரயில்கள், வரும் 27 முதல் 30ம் தேதி வரை ரத்து செய்யப்பட்டுள்ளன

ஒரு பகுதி ரத்து

கோவை - திருப்பதி, காலை 6:10 மணி ரயில், வரும் 28ம் தேதி முதல் 30ம் தேதி வரை காட்பாடி வரை மட்டுமே இயக்கப்படும். திருப்பதி - கோவை, மாலை 3:00 மணி ரயில், 27, 29 மற்றும் 30 ஆகிய தேதிகளில் காட்பாடியில் இருந்து புறப்படும்.திருப்பதி - எஸ்.எம்.வி.டி., பெங்களூரு மாலை 3:00 மணி ரயில், 28ம் தேதி காட்பாடியில் இருந்து புறப்படும் எஸ்.எம்.வி.டி., பெங்களூரு - திருப்பதி, காலை 7:40 மணி ரயில், 27 முதல் 29ம் தேதி வரை காட்பாடி வரை மட்டுமே இயக்கப்படும்விழுப்புரம் - திருப்பதி, காலை 5:34 மணி ரயில், 27 முதல் 30ம் தேதி வரை காட்பாடி வரை மட்டுமே இயக்கப்படும் திருப்பதி - விழுப்புரம், மதியம் 1:40 மணி ரயில், 27 முதல் 30ம் தேதி வரை காட்பாடியில் இருந்து புறப்படும்.இவ்வாறு அதில் கூறப்பட்டுள்ளது.