தனியாக வாழும் கணவனுக்கு தனி ரேஷன் கார்டு?

சென்னை:விவாகரத்து ஆகாமல் தனியாக வாழும் கணவனுக்கு, தனி ரேஷன் கார்டு வழங்க வேண்டும் என, காங்கிரஸ் எம்.எல்.ஏ., அசோகன் கோரிக்கை விடுத்தார்.சட்டசபையில் நேற்று நடந்த விவாதம்:அசோகன்: விவாகரத்து ஆகாமல் தனித்தனியாக வாழும் கணவன், மனைவிக்கு ஒரே ரேஷன் கார்டு இருப்பதால், கணவன் ரேஷன் கார்டை பயன்படுத்த முடியாத நிலை ஏற்படுகிறது. எனவே, தனித்து வாழும் கணவனுக்கு தனி ரேஷன் கார்டு வழங்க வேண்டும்.நிதி அமைச்சர் தங்கம் தென்னரசு: சட்டப்பூர்வமாக பிரிந்து தனிக்குடித்தனம் நடத்துபவர்களுக்கு தான், அரசு தனி ரேஷன் கார்டு வழங்க முடியும்.அசோகன்: இதில், நிதி அமைச்சருக்கு தெரியாதது எதுவும் இல்லை.தங்கம் தென்னரசு: இந்த விவகாரத்தில் எனக்கு எந்த முன் அனுபவமும் இல்லை.இவ்வாறு விவாதம் நடந்தது.