இந்த வாரம் என்ன

ஜூன் 9 வைகாசி 26: முகூர்த்த நாள், சங்கரன் கோவில் கோமதியம்மன் தங்கப்பாவாடை தரிசனம். திருத்தணி முருகப்பெருமான் கிளிவாகன சேவை. அஹோபில மடம் 27 வது பட்டம் அழகிய சிங்கர் திருநட்சத்திரம். ஜூன் 10 வைகாசி 27: இலத்துார், குச்சனுார், திருநள்ளாறு தலங்களில் சனீஸ்வரருக்கு சிறப்பு அபிஷேக ஆராதனை. சென்னை திருவல்லிக்கேணி பார்த்தசாரதிப்பெருமாள் கோயிலில் வரதராஜர் மூலவருக்கு திருமஞ்சனம். ஜூன் 11 வைகாசி 28: கீழ்த்திருப்பதி கோவிந்தராஜப்பெருமாள் சன்னதி எதிரில் உள்ள அனுமனுக்கு திருமஞ்சனம். திருநெல்வேலி காந்திமதி சமேத நெல்லையப்பருக்கு தாமிரபரணி ஆற்றில் அபிஷேகம். ஜூன் 12 வைகாசி 29: சிவபெருமான் கோயில்களில் வில்வமாலை சாற்றி வழிபாடு செய்தல். திருப்பதி ஏழுமலையப்பன் மைசூர் மண்டபத்தில் எழுந்தருளல்.ஜூன் 13 வைகாசி 30: சுவாமிமலை முருகப்பெருமானுக்கு தங்கப்பூமாலை சூடியருளல். தேவகோட்டை ரங்கநாத பெருமாள், குரங்கணி முத்துமாலையம்மன் புறப்பாடு. ஜூன் 14 வைகாசி 31: சர்வ ஏகாதசி. கூர்ம ஜெயந்தி. ஸ்ரீவைகுண்டம் ஸ்ரீவைகுண்டபதி புறப்பாடு. ஸ்ரீவில்லிபுத்துார் ஆண்டாள் ரங்கமன்னார் கண்ணாடி மாளிகைக்கு எழுந்தருளி சேவை சாதித்தல். திருப்பதி ஏழுமலையப்பனுக்கு கலசாபிஷேகம். ஜூன் 15 வைகாசி 32: பிரதோஷம். கார்த்திகை விரதம். ஷடசீதி புண்ணிய காலம். சகல சிவன் கோயில்களில் நந்தீஸ்வரருக்கு சிறப்பு அபிஷேகம் ஆராதனை. அழகர்கோவில் கள்ளழகர், ஸ்ரீரங்கம் நம்பெருமாள் புறப்பாடு. சென்னை திருவல்லிக்கேணி பார்த்தசாரதிப்பெருமாள் கோயிலில் ராமர் மூலவருக்கு திருமஞ்சனம்.