நகைச்சுவை இரட்டையர்!
அமெரிக்காவில் ஹாலிவுட் சினிமாக்களை, நகைச்சுவையால் கலகலக்க வைத்த நடிகர்கள் லாரல், ஹார்டி. இரட்டையராக கலக்கினர். இதில், ஹார்டி எதையும் அலட்சியமாக அணுகுவார். சினிமா படப்பிடிப்பு நடக்கும்போதே, நண்பர்களுடன், 'கோல்ப்' விளையாட சென்றுவிடுவார். இருவரும் இணையும் முன்பே, 50க்கும் அதிகமான படங்களில் நடித்திருந்தார் லாரல்; 250க்கும் அதிகமான படங்களில் நடித்து பிரபலமாகி இருந்தார் ஹார்டி. இருவரும், 1921 முதல் இணைந்து நடித்தனர். நகைச்சுவை மேடை நாடகங்களிலும் இணைந்து நடித்தனர். ஐரோப்பிய நாடுகளான இங்கிலாந்து, அயர்லாந்து, ஸ்காட்லாந்தில் பல நாடகங்களை அரங்கேற்றியுள்ளனர்.மொத்தம், 107 படங்களில் இணைந்து நடித்துள்ளனர். இணைந்து நடித்த, 'தி மேஜிக் பாக்ஸ்' என்ற படம் ஆஸ்கார் விருது பெற்றது. இங்கிலாந்து, கீயூம்பிரியா யுல்வர் ஸ்டன் பகுதியில், ஒரு இரும்பு துாணில், இருவரும் சாய்ந்துள்ளது போல் சிலை வைக்கப்பட்டுள்ளது.