சோப்பு, ஷாம்பூ, எண்ணெய் விலையை உயர்த்தும் நிறுவனங்கள்

புதுடில்லி : எப்.எம்.சி.ஜி., நிறுவனங்கள், தங்கள் தயாரிப்புகளின் விலையை, அண்மையில் 2 முதல் 17 சதவீதம் வரை உயர்த்தி உள்ளன.நுகர் பொருட்களை தயாரிக்கும் நிறுவனங்கள், அதிகரித்த உள்ளீட்டு செலவுகள் காரணமாக, தங்கள் தயாரிப்புகளின் விலையை உயர்த்தி வருகின்றன. சோப், பாடி வாஷ் போன்றவற்றின் விலை 2 முதல் 9 சதவீதமும், ஹேர் ஆயில்களின் விலை 8 முதல் 11 சதவீதமும், குறிப்பிட்ட சில உணவு பொருட்களின் விலை 3 முதல் 17 சதவீதமும் உயர்த்தப்பட்டு உள்ளன.'ஹிந்துஸ்தான் யூனிலீவர்' நிறுவனம், அதன் ஷாம்பூ வகைகளின் விலையை, 4 சதவீதம் வரை உயர்த்தி உள்ளது. இதேபோல், 'நெஸ்லே' அதன் காபி விலையை, 8 முதல் 13 சதவீதம் வரை உயர்த்தி உள்ளது.கடந்த 2022 மற்றும் 2023 துவக்கத்தில், பொருட்களின் விலையை உயர்த்தி வந்த எப்.எம்.சி.ஜி., நிறுவனங்கள், கடந்த நிதியாண்டில் பெரும்பாலும் விலையை உயர்த்தாமலே இருந்து வந்தன. ஆனால் தற்போது, மீண்டும் விலையை உயர்த்த துவங்கி உள்ளன.