வருமான வரி விலக்கு யாருக்கு பொருந்தும்?

வருமான வரி கணக்கு தாக்கல் செய்யும் பொறுப்பு தொடர்பான விதிகளையும், நிபந்தனைகளையும் எல்லாரும் அறிந்திருப்பது அவசியம். வருமான வரி சட்டத்தின்படி, மொத்த ஆண்டு வருமானம் 2.50 லட்சம் ரூபாய்க்குள் இருந்தால் வருமான வரி செலுத்த வேண்டாம். புதிய முறையில் இந்த வரம்பு 3 லட்சமாகும். எனவே, இந்த வரம்பிற்கு மேலே இருப்பவர்கள் வருமான வரி கணக்கு தாக்கல் செய்ய வேண்டும் என வலியுறுத்தப்படுகிறது.எனினும், வருமான வரி விலக்கு பெறும் அளவுக்கு வருமானம் இருந்தாலும், மற்ற நிபந்தனைகள் பொருந்தும் என்பதை நினைவில் கொள்ள வேண்டும். உதாரணத்திற்கு, மின் கட்டணமாக ஆண்டிற்கு 1 லட்சம் ரூபாய்க்கும் அதிகமாக செலுத்தினால், வருமான வரி தாக்கல் செய்ய வேண்டும் என விதிமுறை இருக்கிறது. இதற்கான திருத்தம், 2019ம் ஆண்டு கொண்டு வரப்பட்டது.அதே போல, தனக்காக அல்லது இன்னொருவருக்காக வெளிநாட்டு பயணத்திற்காக 2 லட்சம் ரூபாய்க்கு மேல் செலவு செய்தாலும் வருமான வரி கணக்கு தாக்கல் செய்ய வேண்டும். சேமிப்பு கணக்கில் மொத்தமாக 50 லட்சம் ரூபாய்க்கு மேல் இருந்தாலும் வருமான வரி கணக்கு தாக்கல் செய்ய வேண்டும்.