பங்கு சந்தை நிலவரம்

சென்செக்ஸ்

முந்தைய முடிவு: 71,833.17நேற்றைய முடிவு: 72,050.38மாற்றம்: 227.55 (ஏற்றம்)

நிப்டி

முந்தைய முடிவு : 21,840.00நேற்றைய முடிவு: 21,910.80மாற்றம்: 70.80 (ஏற்றம்)

மகிழ்ச்சியில் ஆழ்த்திய சந்தை

 உலக அளவில் கொஞ்சம் உற்சாகம் பிறந்திருக்கிறது. குறிப்பாக ஐரோப்பிய நாடுகளில், பணவாட்டம் தெரியத் துவங்கியுள்ளது. ஏனெனில் அங்கேயுள்ள நிறுவனங்களில் வருவாய் பெருகியுள்ளது. முதலீட்டாளர்கள் மகிழ்ச்சி அடைந்துள்ளனர். அதன் தாக்கம் நம் நாட்டின் பங்கு சந்தைகளிலும் தெரிந்தது காலையில் உற்சாகத்துடன் சந்தைகள் ஆரம்பித்தாலும், ஒருசில நெருடல்கள் இருக்கவே செய்தன. குறிப்பாக, அன்னிய நிறுவன முதலீட்டாளர்கள், பிப்ரவரி 14 அன்று, 3,929 கோடி ரூபாய் அளவுக்கு பங்குகளை விற்பனை செய்தனர் இரண்டு, சக்திகாந்த தாஸ் விடுத்த எச்சரிக்கை. வங்கிகளின் நிதி நிர்வாகத்தில் கூடுதல் கவனம் தேவை, எந்தவிதமான அசிரத்தையும் ஏற்பட்டுவிடக் கூடாது என்று அவர் தெரிவித்தார் மதியத்துக்கு மேல் கொஞ்சம் நல்ல செய்திகள் வந்தன. குறிப்பாக, இந்தியாவின் சேவைத் துறை வர்த்தக உபரியானது, கடந்த ஆண்டு அக்டோபர் டிசம்பர் மூன்றாம் காலாண்டுடன் ஒப்பிடும்போது, இந்த மூன்றாம் காலாண்டில், 16 சதவீதம் உயர்ந்துள்ளதாக ஆர்.பி.ஐ. தெரிவித்தது மேலும், என்னதான் செங்கடல் பதற்றம் நிலவினாலும், இந்தியாவின் சரக்கு வர்த்தக பற்றாக்குறை, கடந்த ஆண்டை விட குறைந்துள்ளது என்று மற்றோரு தனியார் அறிக்கை சொன்னது நிதி அமைச்சர் நிர்மலா சீதாராமன், சர்வதேச பொருளாதார சூழ்நிலைகளின் பின்னணியில் இந்தியாவின் பொருளாதார நிலை எப்படி இருக்கிறது என்பதைப் பற்றி நிதி ஸ்திரத்தன்மை மற்றும் மேம்பாட்டு கவுன்சில் கூட்டத்தில், வரும் பிப்ரவரி 21 அன்று ஆய்வு மேற்கொள்ள இருக்கிறார் இந்தச் சூழலில், மாலையில் சந்தை முடிவடைந்த போது, நுகர்பொருட்கள் துறையைத் தவிர, இதர துறைகள் அனைத்தும் லாபம் ஈட்டியிருந்தன.

ஏற்றம் கண்ட பங்குகள்

 எம் அண்டு எம்.,  பி.பி.சி.எல்.,  ஓ.என்.ஜி.சி.,  என்.டி.பி.சி.,  பவர் கிரிட் கார்ப்பரேஷன்

இறக்கம் கண்ட பங்குகள்

 ஆக்சிஸ் வங்கி அப்பல்லோ ஹாஸ்பிடல்ஸ் ஐ.டி.சி.,  எச்.யு.எல்.,  நெஸ்லே இந்தியா