ஏப்ரல் மாத ஜிஎஸ்டி வசூல் ரூ.2.10 லட்சம் கோடி: புதிய உச்சம் தொட்டு சாதனை

புதுடில்லி: இந்த நிதியாண்டின் (2024-25) முதல் மாதமான ஏப்ரலில் இதுவரையில் இல்லாத அளவாக 2.10 லட்சம் கோடி ரூபாய் ஜிஎஸ்டி வசூல் செய்யப்பட்டுள்ளதாக மத்திய நிதியமைச்சகம் தெரிவித்துள்ளது.இது தொடர்பாக மத்திய நிதியமைச்சகம் வெளியிட்ட அறிக்கை: கடந்த ஏப்ரல் மாதம் வசூலான ரூ.2,10,267 கோடி ஜிஎஸ்டியில்,https://static.vidgyor.com/player/vod/html/indexv2.html?videoId=dk4am016&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0சிஜிஎஸ்டி - ரூ.43,846 கோடி,எஸ்ஜிஎஸ்டி - ரூ.53,538 கோடி,ஐஜிஎஸ்டி - ரூ.99,623 கோடி, (பொருட்கள் இறக்குமதி மூலம் கிடைத்த ரூ.37,826 கோடி அடங்கும்)செஸ் - ரூ.13,260 கோடி (பொருட்கள் இறக்குமதி மூலம் கிடைத்த ரூ.1,008 கோடி அடங்கும்) ஆகியவை வசூலாகி உள்ளது. ஜிஎஸ்டி வருவாயில் இதுவரையில் இல்லாத வகையில் அதிகபட்ச மாதாந்திர வசூலாக ஏப்ரல் மாதம் பதிவாகியுள்ளது.அதேநேரத்தில் கடந்தாண்டு (2023) ஏப்ரல் மாதம் கிடைத்த ஜிஎஸ்டி தொகையை விட இந்தாண்டு கிடைத்த வருமானம் 12.40 சதவீதம் அதிகம் ஆகும். கடந்தாண்டு ஏப்ரலில் ரூ.1,87,035 கோடி வசூலான நிலையில், இந்த ஏப்ரல் மாதம் ரூ.2,10,267 கோடி வசூலாகியுள்ளது. தமிழகத்தில் இருந்து ஜிஎஸ்டி வரியாக ரூ.12,210 கோடி வசூலாகியுள்ளது. இவ்வாறு அந்த அறிக்கையில் கூறப்பட்டுள்ளது.

ஜிஎஸ்டிக்கு முன்பு, ஜிஎஸ்டிக்கு பின்பு

தமிழகத்தை பொறுத்தவரை ஜிஎஸ்டி.,க்கு முன்பு கிடைத்த வரி வசூலை விட தற்போது ஒவ்வொரு ஆண்டும் அதிகரித்து வருகிறது. அந்த வகையில் ஜி.எஸ்.டி.,க்கு முன் 2012-13 நிதியாண்டில் ரூ.25,041 கோடி, 2013-14ல் ரூ.25,875 கோடி, 2014-15ல் ரூ.27,783 கோடி, 2015-16ல் ரூ.29,786 கோடி, 2016-17ல் ரூ.31,303 கோடி வசூலானது. 2017-18 நிதியாண்டின் முதல் 3 மாதத்தில் மட்டும் ரூ.7,359 கோடியும், ஜிஎஸ்டி அமலுக்கு பின், அடுத்த 9 மாதத்தில் ரூ.24,907 கோடியும் என மொத்தம் ரூ.32,266 கோடியும் வசூலானது.ஜி.எஸ்.டி.,க்கு பின், 2018-19 நிதியாண்டில் ரூ.41,767 கோடி, 2019-20ல் ரூ.41,369 கோடி, 2020-21ல் ரூ.37,910 கோடி, 2021-22ல் ரூ.48,916 கோடி, 2022-23ல் ரூ.58,194 கோடி வசூலாகியுள்ளது.