உள்ளூர் செய்திகள்

/ செய்திகள் / ப்ரீமியம் / பாஜ தலைமையை விமர்சிக்கும் மேற்கு வங்க எம்பி

பாஜ தலைமையை விமர்சிக்கும் மேற்கு வங்க எம்பி

நமது சிறப்பு நிருபர்

மேற்கு வங்க மாநிலம் கொல்கட்டா உயர் நீதிமன்ற நீதிபதியாக பணியாற்றியவர், அபிஜித் கங்கோபாத்யாயா. கடந்தாண்டு மார்ச்சில் தன் பதவியை ராஜினாமா செய்துவிட்டு, பா.ஜ.,வில் சேர்ந்தார். கடந்தாண்டு நடந்த லோக்சபா தேர்தலில், மேற்கு வங்கத்தின் டம்லுக் தொகுதியில் போட்டியிட்டு வெற்றி பெற்றார்.மேற்கு வங்க முதல்வர் மம்தாவின் ஊழல் ஆட்சியை ஒழிக்க வேண்டும்; மம்தாவை முதல்வர் பதவியிலிருந்து நீக்க வேண்டும் என்ற எண்ணத்தில் எம்.பி.,யானார். ஆனால், இப்போது ஏன் பா.ஜ.,வில் சேர்ந்தோம் என வெறுத்துப் போயுள்ளாராம். அடுத்தாண்டு, ஏப்ரல் - -மே மாதங்களில் தமிழகத்துடன் மேற்கு வங்கத்திலும் சட்டசபை தேர்தல் நடைபெற உள்ளது. ஆனால், 'மம்தாவை நீக்கும் முயற்சியில் பா.ஜ., ஈடுபடவில்லை' என கூறியதுடன், பா.ஜ., தலைமையை கடுமையாக விமர்சித்துள்ளார் அபிஜித்.'வரும் சட்டசபை தேர்தலில் மம்தாவை பா.ஜ., தோற்கடிக்குமா என்பது சந்தேகமாக உள்ளது. இதற்கு காரணம் பிரதமர் நரேந்திர மோடி அரசு, உளவுத்துறை மற்றும் தேர்தல் ஆணையம்' என பேசி, பா.ஜ.,வினரை அதிர்ச்சியில் ஆழ்த்தியுள்ளார் அபிஜித்.'பா.ஜ.,வினர் பெங்காலிகளை எதிர்த்து அரசியல் செய்கின்றனர் என, சென்டிமென்டாக பேசி வருகிறார் மம்தா. ஆனால், பா.ஜ.,வோ, உள்ளூர்காரர்களை விடுத்து வடமாநிலத்தவரை மேற்கு வங்கத்தில் களம் இறக்கி வருகிறது. மம்தாவின் அரசு, ஊழலில் திளைத்தாலும் மத்திய அரசு அதை கண்டுகொள்ளாமல் இருக்கிறது' என பேசியுள்ளார் அபிஜித்.பீஹார் வெற்றியை தொடர்ந்து தமிழகம், மேற்கு வங்கம் தான் அடுத்த குறி என பிரதமர் மோடி பேசியுள்ள நிலையில், பா.ஜ., - எம்.பி., அபிஜித் கங்கோபாத்யாயாவின் விமர்சனம், கட்சியில் பெரும் பிரளயத்தை ஏற்படுத்தியுள்ளது.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 2 )

பாலாஜி
நவ 30, 2025 08:24

எப்படிப்பட்ட விமர்சனங்களையும் பாஜக முக்கிய நபர்கள் கண்டுகொள்ள மாட்டான்கள்.


Ram
நவ 30, 2025 06:36

இதே கதை தான் தமிழகத்திலும் நடக்கின்றது பிஜேபி மத்திய தலைமை இங்கு இருக்கும் ஆட்சியாளர்களோடு சாப்ட் அரசியல் செய்கிறதோ என்று தோன்றுகிறது ஏற்கனவே நன்றாகவே செயல் பட்டு கொண்டு இருந்த அண்ணாமலையை 10 சதவீத வாக்குகாக எடப்பாடியிடம் மண்டியிட்டு கட்சியை அதளபாதாளத்தில் தள்ளிய பெருமை மத்திய தலைமை செய்து இருக்கிறது


மேலும் செய்திகள்









சமீபத்திய செய்தி