புதுச்சேரி டூ திருப்பதி ஒரு நாள் ஆன்மிக பயணம்

திருப்பதிக்கு ஒரு நாள் ஆன்மிக பயணம் செல்ல, புதுச்சேரி சுற்றுலா வளர்ச்சி கழகத்தின் சார்பில், சிறப்பு சேவை இயங்கி வருகிறது. இந்த பயணம், புதுச்சேரி கடற்கரை சாலை, காந்தி சிலை அருகில் இருந்து தினசரி அதிகாலை 4:00 மணிக்கு துவங்குகிறது.ஏ.சி., வாகனத்தில் புறப்பட்டு திருப்பதிக்கு சென்று, வெங்கடாஜலபதி மற்றும் அலமேல்மங்கை தாயாரை சிறப்பு தரிசனம் செய்து விட்டு, அன்று இரவு புதுச்சேரியை வந்தடைகிறது.திருப்பதிக்கு செல்ல விரும்புவோர், www.ptdconline.comஎன்ற இணையதளத்தின் மூலம் பயண தேதிக்கு, 7 நாட்களுக்கு முன்னதாக முன்பதிவு செய்து பயணத்தை மேற்கொள்ளலாம்.காலை சிற்றுண்டி, மதிய உணவு, திருப்பதி சிறப்பு தரிசனக்கட்டணம் 300 ரூபாய் உள்ளிட்டவைகளுடன், ஏ.சி., வாகனத்தில் பயணிக்கும் ஒரு நபருக்கு, 2,700 ரூபாய் மற்றும் 5 சதவீத ஜி.எஸ்.டி., கட்டணமாக வசூலிக்கப்படுகிறது. 5 வயதிற்கு மேற்பட்டவர்களுக்கு டிக்கெட் உண்டு.டிக்கெட் பதிவு செய்து விட்டால், கேன்சல் செய்ய முடியாது. கூடுதல் விபரங்களுக்கு, புதுச்சேரி கடற்கரை சாலை, பழைய கோர்ட் வளாகத்தில் உள்ள சுற்றுலா வளர்ச்சிக்கழகத்தை தொடர்பு கொள்ளலாம். கூடுதல் விபரங்களுக்கு, 9042013606 மற்றும் 9943654440, எண்களில் தொடர்பு கொள்ளலாம்.