டி.என்.பி.எல்., இன்று துவக்கம் * கோவை-சேப்பாக்கம் பலப்பரீட்சை

சென்னை: டி.என்.பி.எல்., தொடரின் 8வது சீசன் இன்று துவங்குகிறது. சேலத்தில் நடக்கும் முதல் போட்டியில் நடப்பு சாம்பியன் கோவை, சேப்பாக்கம் அணிகள் பலப்பரீட்சை நடத்துகின்றன.தமிழக கிரிக்கெட் சங்கத்தின் சார்பில் டி.என்.பி.எல்., தொடர் நடத்தப்படுகிறது. இதன் 8வது சீசன் இன்று சேலத்தில் துவங்குகிறது. மொத்தம் 8 அணிகள், 'ரவுண்டு ராபின்' முறையில் மற்ற அணிகளுடன் தலா ஒரு முறை மோதும். லீக் சுற்று முடிவில் புள்ளிப்பட்டியலில் 'டாப்-4' இடம் பெறும் அணிகள் 'பிளே ஆப்' சுற்றுக்கு முன்னேறும். மொத்தம் 32 போட்டி நடக்கவுள்ளன.லீக் போட்டிகள் சேலத்தில் இன்று முதல் ஜூலை 11 வரை நடக்கும். அடுத்து கோவை (ஜூலை 13-18), நெல்லை (ஜூலை 20-24), திண்டுக்கல்லில் (ஜூலை 26-28) நடக்கும்.சென்னையில் பைனல்தகுதிச்சுற்று 1, 'எலிமினேட்டர்' போட்டி திண்டுக்கல்லில் (ஜூலை 30, 31) நடக்கும். 2வது தகுதிச்சுற்று (ஆக. 2), பைனல் (ஆக. 4) சென்னையில் நடக்க உள்ளன.போட்டிகளை நேரடியாக காண, 'பேடிஎம் இன்சைடர்' செயலி, மைதான கவுண்டர்களில் டிக்கெட்டுகள் பெறலாம்.