ஹரியானா இமாலய வெற்றி: தேசிய ஹாக்கியில் கோல் மழை

புனே: தேசிய ஹாக்கி லீக் போட்டியில் கோல் மழை பொழிந்த ஹரியானா அணி 15-0 என அசாமை வீழ்த்தியது. ஹரியானாவின் தீபிகா 'ஹாட்ரிக்' உட்பட 5 கோல் அடித்தார்.மகாராஷ்டிராவின் புனேயில் சீனியர் பெண்களுக்கான தேசிய ஹாக்கி சாம்பியன்ஷிப் 14வது சீசன் நடக்கிறது. 'நடப்பு சாம்பியன்' மத்திய பிரதேசம், தமிழகம், கேரளா, பெங்கால் உள்ளிட்ட 27 அணிகள், 8 பிரிவுகளாக லீக் சுற்றில் விளையாடுகின்றன.'டி' பிரிவு லீக் போட்டியில் ஹரியானா, அசாம் அணிகள் மோதின. இதில் கோல் மழை பொழிந்த ஹரியானா அணி 15-0 என்ற கணக்கில் வெற்றி பெற்றது. ஹரியானா அணிக்கு தீபிகா 5 (2, 40, 42, 49, 56வது நிமிடம்), ஷர்மிளா தேவி (2, 35வது), மஹிமா சவுத்தரி (15, 17வது), உதிதா (32, 36வது) தலா 2, நேஹா கோயல் (8 வது), நவ்னீத் கவுர் (26வது), எக்தா கவுசிக் (44வது), ஜோதி (50வது) தலா ஒரு கோல் அடித்தனர்.'இ' பிரிவு லீக் போட்டியில் ஒடிசா, கோவா அணிகள் மோதின. இதில் ஒடிசா அணி 9-1 என வெற்றி பெற்றது. 'எப்' பிரிவு லீக் போட்டியில் பஞ்சாப் அணி 11-2 என ராஜஸ்தானை வென்றது. மற்றொரு 'எப்' பிரிவு போட்டியில் மிசோரம் அணி 10-0 என ஹிமாச்சல பிரதேச அணியை வீழ்த்தியது.