பள்ளி ஹாக்கி லீக் போட்டி செயின்ட் பால்ஸ் அபாரம்

சென்னை, தமிழ்நாடு ஹாக்கி யூனிட் சார்பில், டி.எஸ்.எச்.எல்., எனும் தமிழ்நாடு பள்ளி ஹாக்கி லீக் போட்டிகள், 38 மாவட்டங்களில் நடக்கின்றன.முதற்கட்டமாக, சென்னை மாவட்ட அளவிலான போட்டிகள், எழும்பூர் ராதாகிருஷ்ணன் ஹாக்கி அரங்கில் நடந்தது. அதில், டான்பாஸ்கோ, ஐ.சி.எப்., - செயின்ட் பால்ஸ், தி இந்து, அஞ்சுமன் உள்ளிட்ட ஆறு அணிகள் இரு பிரிவாக பிரிக்கப்பட்டு மோதின.அனைத்து லீக் போட்டிகள் முடிவில், இறுதிப்போட்டிக்கு செயின்ட் பால்ஸ் மற்றும் ஐ.சி.எப்., அணிகள் தகுதி பெற்றன. அதில், 7 - 0 என்ற கோல் கணக்கில் செயின்ட் பால்ஸ் அணி வெற்றி பெற்று, அடுத்து நடக்க உள்ள மண்டல போட்டிக்கு தகுதி பெற்றுள்ளது. வெற்றி பெற்ற அணிக்கு, எஸ்.டி.ஏ.டி.,யின் அதிகாரி ராஜா, சென்னை மாவட்ட ஹாக்கி துணைத்தலைவர் லட்சுமி நாராயணன், போட்டியின் இயக்குனர் அன்னகுமார் உள்ளிட்டோர் பரிசுகளை வழங்கினர்.