ஏரிகளில் நீர் திறப்பு அதிகரிப்பு

சென்னை: 'டிட்வா' புயல் எதிரொலியாக, புழல் ஏரியில் இருந்து நேற்று முன்தினம், விநாடிக்கு 1,000 கன அடி நீர் திறக்கப்பட்டிருந்த நிலையில், நேற்று விநாடிக்கு 1,500 கன அடி நீராக அதிகரிக்கப் பட்டுள்ளது. தற்போது, புழல் ஏரியில் நீர் வரத்து, விநாடிக்கு 246 கன அடியாக உள்ளது. அதேபோல், செம்பரம்பாக்கம் ஏரியில் இருந்து, நேற்று காலை, உபரி நீர் வெளியேற்றம், 1,200 கன அடியாக அதிகரிக்கப்பட்டது. புயல் தாக்கத்தின் எதிரொலியாக, இன்று கனமழை பெய்யும் என வானிலை ஆய்வு மையம் அறிவித்துள்ளதால், நேற்று இரவு முதல் விநாடிக்கு 3,000 கன அடியாக நீர் திறப்பு அதிகரிக்கப்பட்டு உள்ளது. மழை அதிகரிக்கும்பட்சத்தில், நீர் திறப்பு மேலும் அதிகரிக்கும் என, நீர்வளத்துறையினர் தெரிவித்து உள்ளனர்.