வாழைத்தார் வரத்து சரிவு; ஏலத்தில் எகிறியது விலை

கிணத்துக்கடவு : கிணத்துக்கடவு, சுற்றுப்பகுதியில் தென்னையில் ஊடுபயிராகவும், தனிப்பயிராகவும் பல்வேறு ரக வாழை பயிரிடப்பட்டுள்ளது. இதனால், ஆண்டு முழுவதும் மார்க்கெட்டுக்கு வாழைத்தார் வரத்து உள்ளது. தற்போது வாழைத்தார் வரத்து குறைந்து, விலை உயர்ந்து வருகிறது.இந்த வாரம் மார்க்கெட்டில், செவ்வாழை கிலோ - 70, நேந்திரன் - 50, ரஸ்தாளி - 40, கதளி - 55, பூவன் - 35, சாம்பராணி வகை - 45 ரூபாய்க்கு விற்பனை ஆனது.கடந்த வாரத்தை விட, செவ்வாழை கிலோ - 4, நேந்திரன் - 10, கதளி - 7, சாம்பராணி வகை - 5 ரூபாய் விலை அதிகரிதுள்ளது.இதுகுறித்து, வியாபாரிகள் கூறுகையில், 'கிணத்துக்கடவு வட்டாரத்தில் வாழைத்தார் அறுவடை குறைந்துள்ளது. இதனால், தேவைக்கேற்ப வாழைத்தார் வரத்து இல்லை. இதற்கு மாற்றாக வெளிமாவட்டத்தில் இருந்து வாழைத்தார் கொண்டு வரப்பட்டு விற்பனை செய்யப்படுகிறது. இதனால், வாழைத்தார் விலை அதிகரித்துள்ளது,' என்றனர்.