மாவட்ட கூடைப்பந்து போட்டி; மாணவர்கள் அதிரடி

கோவை;பள்ளி மாணவர்களுக்கான, மாவட்ட அளவிலான கூடைப்பந்து போட்டியில் சிறுவர்கள் சிறப்பாக விளையாடி வெற்றி பெற்றனர்.ராஜலட்சுமி ஸ்போர்ட்ஸ் கிளப் சார்பில், பள்ளி மாணவ - மாணவியருக்கு '3ம் ஆண்டு ஸ்ரீ நவக்கோடி நினைவு கோப்பைக்கான' மாவட்ட கூடைப்பந்து போட்டி, நேரு ஸ்டேடியம் அருகில் உள்ள மாவட்ட கூடைப்பந்து கழக மைதானத்தில் நடக்கிறது.மாணவ - மாணவியருக்கு 13 மற்றும் 16 வயதுக்கு உட்பட்டோர் என இரு பிரிவுகளில் போட்டிகள் நடத்தப்படுகின்றன.நேற்று நடந்த போட்டி முடிவுகள் :16 வயதுக்குட்பட்ட மாணவியர் பிரிவில் பாரதி பள்ளி அணி 52 - 51 என்ற புள்ளிக்கணக்கில் சுகுணா பிப்ஸ் அணியையும், ராஜலட்சுமி மில்ஸ் அணி 49 - 37 என்ற புள்ளிக்கணக்கில் அல்வேர்னியா அணியையும், யுனைடெட் கூடைப்பந்து கழக அணி 35 - 34 என்ற புள்ளிக்கணக்கில் ஒய்.எம்.சி.ஏ., அணியையும் வீழ்த்தின.16 வயதுக்குட்பட்ட மாணவர்கள் பிரிவில், சபர்பன் பள்ளி அணி 66 - 10 என்ற புள்ளிக்கணக்கில் வித்ய நிகேதன் பள்ளியையும், ஒய்.எம்.சி.ஏ., அணி 69 - 48 என்ற புள்ளிக்கணக்கில் சிம்பா அணியையும் வீழ்த்தின.13 வயதுக்குட்பட்ட மாணவர்கள் பிரிவில், பொள்ளாச்சி பேஷன் அணி 45 - 11 என்ற புள்ளிக்கணக்கில் சின்மயா பள்ளியையும், பீப்பாள் பள்ளி அணி 32 - 12 என்ற புள்ளிக்கணக்கில் எஸ்.வி.ஜி.வி., அகாடமியையும், எஸ்.வி.ஜி.வி., பள்ளி அணி 50 - 11 என்ற புள்ளிக்கணக்கில் பி.எஸ்.ஜி., சர்வஜனா பள்ளியையும் வீழ்த்தின.