பி டிவிஷன் கால்பந்து கே.ஆர்.வி., வெற்றி

கோவை;மாவட்ட அளவிலான 'பி' டிவிஷன் லீக் போட்டியில், கே.ஆர்.வி., அணி மூன்று கோல் வித்தியாசத்தில், அபார வெற்றி பெற்றது.கோவை மாவட்ட கால்பந்து சங்கம் சார்பில், 'பி' டிவிஷன் கால்பந்து லீக் போட்டிகள், அவிநாசி சாலை சி.ஐ.டி., கல்லுாரி மைதானத்தில் நடக்கின்றன.நேற்று நடந்த போட்டியில், கே.ஆர்.வி., நினைவு கால்பந்து கிளப் மற்றும் துரைசாமி நினைவு கால்பந்து கிளப் அணிகள் போட்டியிட்டன.போட்டி துவங்கிய மூன்றாவது நிமிடத்திலேயே, கே.ஆர்.வி., அணியின் ரகுநாத் ஒரு கோல் அடித்தார். பின்னர் சில நிமடங்களிலேயே (11வது நிமிடம்) அடுத்த கோலையும் அடித்தார்.தொடந்து, 14 மற்றும் 24ம் நிமிடங்களில் பிராங்கிளின் கோல்கள் அடிக்க, முதல் பாதி நேர முடிவில் கே.ஆர்.வி., அணி நான்கு கோல்கள் அடித்து, முன்னிலை பெற்றது.இரண்டாம் பாதியில், துரைசாமி அணியின் வினு பிரகாஷ் ஆறுதலுக்கு ஒரு கோல் அடிக்க, 4 - 1 என்ற கோல் கணக்கில், கே.ஆர்.வி., அணி வெற்றி பெற்றது.