ஆனைமலையில் கொப்பரை ஏலம்

ஆனைமலை: ஆனைமலை ஒழுங்குமுறை விற்பனை கூடத்தில், கண்காணிப்பாளர் (பொ) ஜெயராமகிருஷ்ணன் தலைமையில் கொப்பரை ஏலம் நடந்தது.முதல் தர கொப்பரை, 204 மூட்டைகள் ஏலம் விடப்பட்டதில், கிலோவுக்கு, 168 ரூபாய் முதல், 171.50 ரூபாய் வரை விலை கிடைத்தது. இரண்டாம் தர கொப்பரை, 432 மூட்டைகள் ஏலம் விடப்பட்டதில் கிலோவுக்கு, 123 ரூபாய் முதல், 158.77 வரை விலை கிடைத்தது. மொத்தம், 636 கொப்பரை மூட்டைகளை, 236 விவசாயிகள் கொண்டு வந்தனர்; 11 வியாபாரிகள் ஏலத்தில் பங்கேற்றனர். இந்த வாரம், 43.30 லட்சம் ரூபாய் மதிப்பிலான, 28.76 குவிண்டால் கொப்பரை ஏலத்துக்கு கொண்டு வரப்பட்டன. 'இ-நாம்' முறையில் கொப்பரை ஏலம் நடந்தது. இதனால், இடைத்தரகர் இன்றி அதிகபட்ச விலை கிடைத்துள்ளதாக, விற்பனை கூட கண்காணிப்பாளர் தெரிவித்தார்.