கடலுார் மாவட்டத்தில் 71 சதவீத பள்ளிகள் சதம்

கடலுார் : கடலுார் மாவட்டத்தில் பிளஸ் 2 தேர்வில் 71 சதவீதம் பள்ளிகள் நுாறு சதவீத தேர்ச்சி பெற்று சாதனை படைத்துள்ளன.கடலுார் மாவட்டத்தில் பிளஸ் 2 அரசு பொதுத் தேர்வை 117 அரசுப் பள்ளிகள், 30 அரசு உதவிப் பெறும் பள்ளிகள், 99 தனியார் பள்ளிகள் என, மொத்தம் 246 பள்ளிகள் உள்ளன. இதில் இருந்து, 13,820 மாணவர்கள், 14,698 மாணவிகள் என, மொத்தம் 28,518 பேர் எழுதினர். இதில், 12,758 மாணவர்கள், 14,153 மாணவிகள் என, மொத்தம் 26,911 பேர் தேர்ச்சி பெற்றனர். மாணவர்கள் தேர்ச்சி சதவீதம் 92.32 ஆகும். மாணவிகள் தேர்ச்சி சதவீதம் 96.29 ஆகும். மாவட்டத்தில் அரசுப் பள்ளிகளின் தேர்ச்சி சதவீதம் 90.97 ஆகும். கடந்தாண்டு கடலுார் மாவட்டம் 92.04 சதவீதம் தேர்ச்சி பெற்றது. இந்தாண்டு தேர்ச்சி சதவீதம் 2.32 சதவீதம் அதிகரித்து மாநில அளவில் 22வது நிலையை அடைந்துள்ளது. மாவட்ட அளவில் தேர்வு எழுதிய 246 பள்ளிகளில் 71 பள்ளிகள் 100 சதவிதம் தேர்ச்சி பெற்றுள்ளனர்.இதில் அரசு பள்ளிகள் 12, அரசு நிதியுதவி பெறும் பள்ளிகள் 2, தனியார் பள்ளிகள் 57 அடங்கும்.