டிரான்ஸ்பார்மர் கம்பங்கள் சேதம்

விருத்தாசலம்: சிறுவரப்பூரில் சேதமடைந்துள்ள டிரான்ஸ்பார்மர் கம்பங்களை அகற்றி, புதிய மின் கம்பங்களை பொறுத்த மின்துறை அதிகாரிகள் நடவடிக்கை எடுக்க வேண்டும்.விருத்தாசலம் அடுத்த சிறுவரப்பூர் கிராமத்தில் ஆயிரத்திற்கும் மேற்பட்டோர் வசிக்கின்றனர். இந்த கிராமத்தில் சிவபாரதி மெட்ரிக் பள்ளி அருகே சிறுவரப்பூர் சாலையோரம் உள்ள டிரான்ஸ்பார்மர் கம்பங்கள் சிமென்ட் காரைகள் பெயர்ந்து ஆபத்தான நிலையில் உள்ளது.இதனால், தினசரி அப்பகுதியை பொதுமக்கள் அச்சத்துடன் கடந்து செல்கின்றனர். எனவே, பொதுமக்கள் நலன் கருதி, சேதமைடைந்துள்ள டிரான்ஸ்பார்மர் கம்பங்களை அகற்றி, புதிய டிரான்ஸ்பார்மர் கம்பங்களை பொறுத்த, மின்துறை அதிகாரிகள் நடவடிக்கை எடுக்க வேண்டும்.