போலீசை மிரட்டிய வாலிபர் கைது 

புவனகிரி: புவனகிரியில் போலீஸ்காரரை பணி செய்ய விடாமல் தடுத்து மிரட்டிய வாலிபர் கைது செய்யப்பட்டார்.புவனகிரி கவரப்பாளையம் தெருவை சேர்ந்தவர் அப்துல்காதர். இவர், அதே பகுதியில் பெட்டிக்கடை நடத்தி வருகிறார். நேற்று இவரது கடைக்கு வந்த திண்டுக்கல் மாவட்டம், வேடசந்துாரை சேர்ந்த அருண்குமார், 35; என்பவர், போதையில் பொருட்கள் கேட்டு, அப்துல்காதரிடம் தகராறு செய்தார். இதை, அப்பகுதியில் ரோந்து பணியில் ஈடுபட்ட புவனகிரி போலீஸ்காரர், தட்டிகேட்டுள்ளார். அப்போது போலீஸ்காரரை பணி செய்ய விடாமல் தடுத்து, அருண்குமார் மிரட்டியுள்ளார்.இதுகுறித்த புகாரின்பேரில், புவனகிரி போலீசார் வழக்குப் பதிந்து அருண்குமாரை கைது செய்தனர்.