கள்ளக்குறிச்சியில் 19ம் தேதி வேலை வாய்ப்பு முகாம்

கள்ளக்குறிச்சி : கள்ளக்குறிச்சியில் மாவட்ட வேலை வாய்ப்பு மற்றும் தொழில் நெறி வழிகாட்டும் மையத்தில் வரும் 19ம் தேதி தனியார் துறை வேலை வாய்ப்பு முகாம் நடக்கிறது.கலெக்டர் ஷ்ரவன்குமார் செய்திக்குறிப்பு:அதனையொட்டி அன்று காலை 10:00 மணி முதல் மதியம் 1:00 மணி வரை நடைபெறும் முகாமில், மொபைல்போன் மற்றும் வாகனங்களை உற்பத்தி செய்யும் நிறுவனங்கள், இன்ஸ்யூரன்ஸ் உள்ளிட்ட முன்னணி நிறுவனங்கள் பங்கேற்கின்றனர். அவர்கள் தங்களது நிறுவனத்தில் உள்ள காலி பணியிடங்களுக்கேற்ப பணியாட்களை தேர்வு செய்கின்றனர்.எனவே, மாவட்டத்தில் 10ம் வகுப்பு மற்றும் பிளஸ் 2 படித்தவர்கள், டிப்ளமோ, டிகிரி உள்ளிட்ட பட்டதாரி ஆண்கள், பெண்கள் முகாமில் பங்கேற்று பயனடையலாம். விருப்பமுள்ளவர்கள் www.tnprivatejobs.tn.gov.inஎன்ற இணையதளத்தில் முன்பதிவு செய்ய வேண்டும். தனியார் துறையில் வேலை பெறுபவர்களின் வேலைவாய்ப்பு பதிவு ரத்து செய்யப்படமாட்டாது.இவ்வாறு செய்திக்குறிப்பில் கூறப்பட்டுள்ளது.