புளூ ஸ்கை ஸ்போர்ட்ஸ் கிரிக்கெட் உல்வரினிஸ் த்ரில் வெற்றி

சென்னை : சென்னையில், தீ புளூ ஸ்கை கிரிக்கெட் அகாடமி சார்பில், புளூ ஸ்கை ஸ்போர்ட்ஸ் கிரிக்கெட் லீக் போட்டிகள் நடக்கின்றன. இவற்றில், ஒன்பது அணிகள் பங்கேற்று, ஒவ்வொரு அணியும் தலா எட்டு போட்டிகள் வீதம், 'லீக்' முறையில் மோதி வருகின்றன.நேற்று முன்தினம் சேத்துப்பட்டு எம்.எம்.சி.சி., பள்ளியில் நடந்த லீக் போட்டியில், பீனிக்ஸ் மேக்ஸ் ஸ்போர்ட்ஸ் கிளப் மற்றும் உல்வரினிஸ் சி.சி., அணிகள் மோதின. 'டாஸ்' வென்ற பீனிக்ஸ் மேக்ஸ் ஸ்போர்ட்ஸ் கிளப் அணி, நிர்ணயிக்கப்பட்ட 20 ஓவர்களில், ஏழு விக்கெட் இழப்பிற்கு, 130 ரன்கள் அடித்தது.எதிர் அணியின் வீரர் ஜோசப், நான்கு ஓவர்கள் வீசி, மூன்று விக்கெட்டுகள் எடுத்து, 13 ரன்களும், முகமது மற்றும் ஆஷிக் ஆகியோர் தலா நான்கு ஓவர்கள் வீசி, தலா இரண்டு விக்கெட்டுகள் சாய்த்தனர்.அடுத்து பேட் செய்த உல்வரினிஸ் சி.சி., அணி, 20 ஓவர்கள் முழுமையாக விளையாடி, ஆறு விக்கெட் இழப்பிற்கு, 131 ரன்கள் அடித்து, 'த்ரில்' வெற்றி பெற்றது. போட்டிகள் தொடர்ந்து நடக்கின்றன.