வெளிமாநில தொழிலாளர் விபரம் பதிவேற்றம் செய்ய அறிவுறுத்தல்

காஞ்சிபுரம்:காஞ்சிபுரம் மாவட்டத்தில் உள்ள நிறுவனங்களில் பணிபுரியும், வெளிமாநில தொழிலாளர்கள் குறித்த விபரங்களை இணைய வழி வாயிலாக பதிவேற்றம் செய்ய வேண்டும் என, காஞ்சிபுரம் தொழிலாளர் உதவி ஆணையர் அலுவலகம் தெரிவித்துள்ளது.இதுகுறித்து, காஞ்சிபுரம் தொழிலாளர் உதவி ஆணையர் அமலாக்கம் சுதா வெளியிட்ட செய்திக்குறிப்பு:காஞ்சிபுரம் மாவட்டத்தில் உள்ள நிறுவனங்களில், வெளிமாநில தொழிலாளர்கள் பணிபுரிந்தால், தொழிலாளர்கள் குறித்த தகவல்களை https://labour.tn.gov.in/ism என்ற இணைய வழி வாயிலாக பதிவேற்றம் செய்வது கட்டாயமாக்கப்பட்டு உள்ளது.மேற்படி அறிவிப்பானது பொதுமக்கள் மற்றும் வணிகர்களின் விழிப்புணர்வுக்காக வெளியிடப்படுகிறது என, தெரிவிக்கப்பட்டு உள்ளது.