வெள்ளைகுளம் கங்கையம்மனுக்கு இன்று ஜாத்திரை

காஞ்சிபுரம்:காஞ்சிபுரம் சர்வதீர்த்தம் வெள்ளைகுளத்தில் கங்கையம்மன் கோவில் உள்ளது. இக்கோவிலில் ஆண்டுதோறும் ஜாத்திரை நான்கு நாட்கள் நடைபெறும். அதன்படி நடப்பு ஆண்டுக்கான திருவிழா இன்று, பிற்பகல் 12:00 மணிக்கு கன்னியம்மனுக்கு சிறப்பு அபிஷேகத்துடன் துவங்குகிறது.மாலை 4:00 மணிக்கு பொங்கல் வைத்தலும், இரவு 8:00 மணிக்கு கங்கையம்மனுக்கு காப்பு கட்டுதல் நிகழ்ச்சியும். நாளை காலை 8:00 மணிக்கு பால்குடம் எடுத்தலும், இரவு 9:00 மணிக்கு பம்பை குழுவினருடன் சிரசு ஊர்வலம், கரகாட்டம், நையாண்டி மேளம், சிலம்பாட்டம் பக்கவாத்தியங்களுடன் நான்கு ராஜ வீதிகளில் வீதியுலா நடக்கிறது. வரும் 28ம் தேதி, பிற்பகல் 12:00 மணிக்கு கூழ்வார்த்தலும், மாலை 4:00 மணிக்கு பொங்கல் வைத்தலும், இரவு 8:00 மணிக்கு அம்பாள் புறப்பாடும்,.வரும் 29 ம் தேதி காலை அம்மனுக்கு மஞ்சள் நீராட்டு விழாவும், இரவு 9:00 மணிக்கு நாடகம் நடைபெறுகிறது.