அ.தி.மு.க., நிர்வாகிகள் ஆலோசனை கூட்டம்

கிருஷ்ணகிரி மக்களை காப்போம், தமிழகத்தை மீட்போம் நிகழ்ச்சியில் பங்கேற்க, அ.தி.மு.க., பொதுச் செயலர் இ.பி.எஸ்., அடுத்த மாதம் கிருஷ்ணகிரி மாவட்டத்திற்கு வருகை தர உள்ளார். இதையொட்டி, கிருஷ்ணகிரியில், மாவட்ட வர்த்தக பிரிவு சார்பில், மாவட்ட செயலாளர் துாயமணி தலைமையில் ஆலோசனை கூட்டம் நடந்தது. இதில், கிருஷ்ணகிரி மாவட்டத்திற்கு வருகை தரும் அ.தி.மு.க., பொதுச்செயலருக்கு சிறப்பான வரவேற்பு அளிப்பது. 2026 சட்டசபை தேர்தலில் கிருஷ்ணகிரி, பர்கூர், ஊத்தங்கரை ஆகிய மூன்று தொகுதிகளில், அ.தி.மு.க., துணை பொதுச் செயலர் முனுசாமி தலைமையில், அதிக ஓட்டு வித்தியாசத்தில் வெற்றி பெறவும், வரும் தேர்தலில், இ.பி.எஸ்., தலைமையில் ஆட்சி அமையவும் அயராது உழைக்க வேண்டும் என்பது உள்ளிட்ட பல்வேறு தீர்மானங்கள் நிறைவேற்றப்பட்டன. வர்த்தக அணி மாவட்ட அவைத் தலைவர் ராமநாதன், மாவட்ட துணை செயலர்கள் பெரியசாமி, கணேசன் உள்பட பலர் பங்கேற்றனர்.