ரூ.2.14 லட்சத்துக்கு கொப்பரை ஏலம்

மல்லசமுத்திரம்: திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் வெள்ளிக்கிழமை கொப்பரை தேங்காய் ஏலம் நடந்து வருகிறது. அதன்படி, நேற்று நடந்த ஏலத்தில் மேல்முகம், மங்களம், கரட்டு-வலவு, செண்பகமாதேவி, ராமாபுரம், பருத்திப்பள்ளி உள்ளிட்ட பகுதிகளை சேர்ந்த விவசாயிகள், 60 கிலோ எடைகொண்ட, 37 மூட்டை கொப்பரை தேங்காயை விற்பனைக்கு கொண்டு வந்தி-ருந்தனர்.இதில், முதல் தரம் கிலோ, 130.50 ரூபாய் முதல், 180.50 ரூபாய் வரையிலும், இரண்டாம் தரம், 96.90 ரூபாய் முதல், 110.10 ரூபாய் வரையிலும் என, மொத்தம், 2 லட்சத்து, 14,929 ரூபாய்க்கு விற்பனையானது.