ரூ.13.20 லட்சத்திற்கு பருத்தி விற்பனை

நாமக்கல்: நாமக்கல்-திருச்செங்கோடு சாலையில், தொடக்க வேளாண் உற்பத்தியாளர்கள் கூட்டுறவு விற்பனை சங்கம் செயல்பட்டு வருகிறது. இங்கு, வாரந்தோறும் செவ்வாய்க்கிழமை பருத்தி ஏலம் நடந்து வருகிறது. அதன்படி, நேற்று, நாமகிரிப்பேட்டை, ராசிபுரம், புதுச்சத்திரம், எருமப்பட்டி, பவித்திரம், சேந்தமங்கலம் மற்றும் சேலம், கரூர், ஈரோடு மாவட்டங்களை சேர்ந்த விவசாயிகள், 18.53 மெட்ரிக் டன் எடையுள்ள, 450 மூட்டை பருத்தியை, விற்பனைக்கு கொண்டு வந்திருந்தனர்.இதில், ஆர்.சி.எச்., ரகம், 100 கிலோ, 7,333 ரூபாய் முதல், 7,555 ரூபாய்; கொட்டு மட்ட ரகம், 3,819 ரூபாய் முதல், 4,409 ரூபாய் என, மொத்தம், 13.20 லட்சம் ரூபாய்க்கு விற்பனையாகின. 'உற்பத்தி குறைவால் பருத்தி மூட்டை வரத்து சரிந்தது. 'ஜனவரி மாத இறுதியில் இருந்து பருத்தி வரத்து அதிகரிக்கும்' என, கூட்டுறவு விற்பனை சங்க அலுவலர்கள் தெரிவித்தனர்.