ரூ.5 லட்சத்திற்கு பருத்தி வர்த்தகம்

நாமக்கல், நாமக்கல்-திருச்செங்கோடு சாலையில், தொடக்க வேளாண் உற்பத்தியாளர்கள் கூட்டுறவு விற்பனை சங்கம் செயல்பட்டு வருகிறது. இங்கு வாரந்தோறும் செவ்வாய்கிழமையில் பருத்தி ஏலம் நடக்கிறது. நேற்று நடந்த ஏலத்திற்கு, நாமகிரிப்பேட்டை, ராசிபுரம், புதுச்சத்திரம், எருமப்பட்டி, பவித்திரம், சேந்தமங்கலம் பகுதியில் இருந்தும், சேலம், கரூர், ஈரோடு உள்ளிட்ட வெளி மாவட்டங்களில் இருந்தும் விவசாயிகள், 230 மூட்டை பருத்தியை விற்பனைக்கு கொண்டு வந்திருந்தனர். இதில், ஆர்.சி.ஹெச்., ரக பருத்தி, 100 கிலோ, 7,392 ரூபாய் முதல், 7,991 ரூபாய்; கொட்டு மட்ட ரகம், 3,289 ரூபாய் முதல், 3,810 ரூபாய் என, ஐந்து லட்சம் ரூபாய்க்கு விற்பனையானது.