தி.கோட்டில் மருத்துவ முகாம்

திருச்செங்கோடு, நதிருச்செங்கோடு அரசு ஆண்கள் மேல்நிலை பள்ளியில், 'நலம் காக்கும் ஸ்டாலின்' திட்ட முகாம் நடந்தது. மாவட்ட வருவாய் அலுவலர் சரவணன், ஆர்.டி.ஓ., லெனின், நகராட்சி சேர்மன் நளினி சுரேஷ்பாபு ஆகியோர் துவக்கி வைத்தனர்.முகாமில் கலந்துகொண்டபொதுமக்களுக்கு, முழு உடல் பரிசோதனை செய்யப்பட்டது. முகாமில், பொது மருத்துவம், ஆயுஷ் மருத்துவம் என, 16 சிகிச்சை மற்றும் முதல்வரின் விரிவான மருத்துவ காப்பீடு திட்டம், மாற்றுத்திறனாளிகள் சான்றிதழ் ஆகியவை வழங்கப்பட்டது.ரத்த பரிசோதனை, புற்றுநோய் பரிசோதனை, எக்ஸ்ரே, இ.சி.ஜி., எக்கோ, யூ.எஸ்.ஜி., ஸ்கேன் ஆகிய பரிசோதனைகள் செய்யப்பட்டன. உயர்தர சிகிச்சை தேவைப்படுவோருக்கு அரசு மருத்துவமனை மற்றும் காப்பீட்டு திட்டம் உள்ள மருத்துவமனைகளுக்கு பரிந்துரை செய்யப்பட்டது. மாவட்ட நல அலுவலர் பூங்கொடி, வட்டார மருத்துவ அலுவலர் அருள் குகன், நகர்நல அலுவலர் மணிவேல், குழந்தைகள் நல அலுவலர் வித்யாலட்சுமி உள்பட பலர் கலந்துகொண்டனர்.