செல்வ விநாயகர் கோவில் மஹா கும்பாபிஷேக விழா

குன்னுார்; குன்னுார் சந்திரா காலனி, செல்வ விநாயகர் கோவில் ஜீரணோதாரண, அஷ்டபந்தன மஹா கும்பாபிஷேக விழா நேற்று நடந்தது. விழாவையொட்டி, 15ம் தேதி காலை, 9:30 மணிக்கு விக்னேஸ்வர பூஜை, புன்யாஹவாசனம், அனுக்ஞை, மஹா கணபதி ஹோமம். சவுபாக்கிய லட்சுமி ஹோமம், நவகிரஹ சாந்தி, மாலை, 4:00 மணிக்கு வாஸ்து பூஜை, அங்குரார்பணம், ரக் ஷாபந்தனம், பிரம்மா அனுக்ஞை, யாக பிரவேசம், சதுர்வேத பாராயணம், சுவாமி பிரதிஷ்டை, 108 மூலிகை ஹோமம், மகாபூர்ணாகுதி நடந்தது.நேற்று அதிகாலை, 5:00 மணிக்கு, 2ம் கால யாக வேள்வி, நாடிசந்தானம். ஸ்பர்சாகுதி, வஸ்திர சமர்ப்பணம், யாத்ராதானம், பூர்ணாகுதி, தீபாராதனை, காலை, 7:30 மணிக்கு மகா கும்பாபிஷேகம், மகா தீபாராதனை நடந்தது. மதியம், 12:00 மணிக்கு அன்னதானம் வழங்கப்பட்டது.